Sjáðu Jürgen Klopp horfa aftur á skemmtilegustu atvikin í Meistaradeildinni á síðasta tímabili

„Morguninn eftir úrslitaleikinn í Meistaradeildinni var einn besti dagur lífs míns,“ sagði Jürgen Klopp í upphafi myndbands á Youtube-síðu Liverpool þar sem Jürgen Klopp og aðstoðarmaður hans Pep Lijnders horfa saman á eftirminnilegustu atvikin frá Meistaradeildinni á síðasta tímabili.

Liverpool tapaði fyrir Real Madrid í úrslitaleik Meistaradeildarinnar 2018 eftir að hafa komið mörgum á óvart með frábærri frammistöðu sinni í Evrópu tímabilið 2017-18.

Liverpool tókst að bæta upp fyrir það tap með því að komast aftur í úrslitaleikinn og vinna sinn þar sinn fyrsta titil undir stjórn Jürgen Klopp. Liverpool vann 2-0 sigur á Tottenham 1. júní síðastliðinn.

Það voru margir eftirminnilegir leikir í Evrópu á leiktíðinni. Liverpool-liðið lenti í riðli með Paris Saint Germain og Napoli og var í miklum vandræðum á útivelli í riðlakeppninni.

Dramatískur sigur á Napoli á Anfield tryggði liðinu sæti í sextán liða úrslitunum þar sem Liverpool sló úr Porto og Bayern München á leið sinni í undanúrslitunum.

Í undanúrslitunum voru nær allir búnir að afskrifa Liverpool liðið eftir 3-0 tap í fyrri leiknum í Barcelona en Liverpool vann Lionel Messi og félaga 4-0 á Anfield og tryggði sér sæti í úrslitaleiknum.

Hér fyrir neðan má sjá Jürgen Klopp skemmta sér (og áhorfendum myndbandsins) með því að horfa aftur á skemmtilegustu atvikin hjá Evrópumeisturum Liverpool í Meistaradeildinni 2018-19.