Fyrirtæki farin að hjálpa bandarísku fótboltastelpunum að brúa launamuninn

Bandaríska kvennalandsliðið í knattspyrnu varð heimsmeistari á dögunum eins og hefur ekki farið fram hjá neinum. Baráttan fyrir að fá jafnmikið borgað og karlarnir hefur líka kallað á sterk viðbrögð hjá bandarísku þjóðinni.

Bandaríska sambandið þrjóskast enn við en fyrirtæki eru að vakna og í fararbroddi fer fyrirtæki sem framleiðir svitalyktareyði. Kannski á það vel við enda vond lykt af þessu óskiljanlega launamun knattspyrnukvenna og knattspyrnukarla.

Bandarísku knattspyrnukonurnar eru miklu betri en bandarísku knattspyrnukarlarnir á heimsvísu en þrátt fyrir það og að þær skili bandaríska knattspyrnusambandinu meiri tekjum þá fá þær miklu minni pening. Bandarísku knattspyrnukonurnar eru að vinna heimsmeistaratitla á meðan knattspyrnukarlarnir eru í vandræðum með að komast á heimsmeistaramótin.

Bandaríska kvennalandsliðið vann heimsmeistaramótið með glæsibrag og fyrirliði liðsins og besti leikmaður mótsins, Megan Rapinoe, lét líka vel í sér heyra utan vallar. Rapinoe fékk meira að segja Donald Trump Bandaríkjaforseta til að senda sér tóninn sem vakti síðan enn meiri athygli á henni og hennar afrekum.

Bandarísku konurnar komu heim sem hetjur og voru hylltar hvert sem þær fóru. Við þessar frábær móttökur kom líka enn meiri athygli á launadeilur þeirra og bandaríska sambandsins. Knattspyrnukonurnar fengu meðal annars stuðning frá bandarískum þingkonum sem ætla að leggja fram frumvarp sem bannar svona mismun á peningagreiðslum til íþróttafólks eftir kyni.

.@SecretDeodorant has committed $529,000 ($23k for each of the 23 players) to @USWNTPlayers to help close the @USWNT pay gap.

Secret is the first official @ussoccer sponsor to publicly make a monetary commitment to the team's fight.pic.twitter.com/QSjT9MyFxA

— Front Office Sports (@frntofficesport) July 14, 2019

Það er vissulega ástæða til að mótmæla og leikmenn kvennalandsliðsins hafa líka höfðað mál gegn þessari mismunun bandaríska knattspyrnusambandsins. Knattspyrnukonurnar fá aðeins 38 prósent af því sem karlarnir fá.

Knattspyrnukonurnar fengu í gær óvæntan stuðning frá fyrirtæki og þegar styrktaraðilar eru farnir að ókyrrast þá geta hlutirnir oft breyst fljótt.

Secret Deodorant er einn af styrktaraðilum bandaríska knattspyrnusambandsins og en fyrirtækir framleiðir svitalyktareyði fyrir konur.

Secret Deodorant keypti í gær heilsíðuauglýsingu í blaðinu New York Times þar sem fyrirtækið lét vita af því að það ætlar að láta alla 23 leikmenn bandaríska kvennalandsliðsins fá 23 þúsund dollara hverja og hjálpa með því að brúa launabilið.

Secret Deodorant skorar líka á bandaríska knattspyrnusambandið að vakna upp af værum blundi og koma sér inn í nútímann.

Alls mun Secret Deodorant gefa 529 þúsund dollara eða 67 milljónir íslenskra króna. Hver leikmaður fær tæpar þrjár milljónir talið í íslenskum krónum.