Viðskipti innlent

Ed Sheeran-búð opnar í Kringlunni

Sunna Kristín Hilmarsdóttir skrifar
Ed Sheeran heldur tvenna tónleika hér á landi í ágúst. Uppselt er á fyrri tónleikana en enn eru einhverjir miðar til í stæði á þá seinni.
Ed Sheeran heldur tvenna tónleika hér á landi í ágúst. Uppselt er á fyrri tónleikana en enn eru einhverjir miðar til í stæði á þá seinni. vísir/getty
Þann 18. júlí næstkomandi mun Sena Live opna Ed Sheeran-búð í Kringlunni. Búðin opnar í tilefni tveggja stórtónleika söngvarans sem fara fram 10. og 11. ágúst á Laugardalsvelli. Munu tónleikagestir geta nálgast miðana sína í búðinni og keypt Ed Sheeran-varning.

Frá þessu er greint í Morgunblaðinu í dag þar sem rætt er við Ísleif B. Þórhallsson, tónleikahaldara hjá Senu Live.

„Við sögðum þegar miðasalan fór af stað að fólk myndi fá pappírsmiðana sína þremur vikum fyrir tónleikana. Til að geta annað öllum þessum fjölda þurftum við einhverja miðstöð og úr varð að við munum opna verslun í Kringlunni fimmtudaginn 18. júlí,“ segir Ísleifur í samtali við Morgunblaðið.

Hann segir að ekki verði um bás að ræða heldur alvöru verslun. Þegar nær dregur verða svo skemmtiatriði í versluninni, óvæntar uppákomur og „eitthvert stuð“ eins og Ísleifur orðar það.

Ísleifur segir að fljótlega verði send út tilkynning á alla kaupendur með ítarlegum upplýsingum um allt varðandi miðaafhendinguna og allt fyrirkomulag varðandi verslunina og miðamál.

Ed Sheeran á Íslandi Reykjavík Tónlist

Tengdar fréttir

Helmingur miða á aukatónleikana seldur

Um helmingur þeirra miða sem í boði voru á aukatónleika Ed Sheeran þegar miðasala hófst í morgun eru nú þegar seldir samkvæmt heimildum Vísis. Aukatónleikarnir verða haldnir á Laugardalsvelli þann 11. ágúst, daginn eftir aðaltónleikana.

Ed Sheeran valdi Glowie til að hita upp

Sara Pétursdóttir, betur þekkt sem Glowie, mun hita upp fyrir Ed Sheeran 10. og 11. ágúst á Laugardalsvellinum en þetta kemur fram í tilkynningu frá Senu Live.

Uppselt á Ed Sheeran

Ed Sheeran tónleikarnir sem fara fram 10. ágúst 2019 á Laugardalsvelli seldust upp með hraði í morgun. Þetta kemur fram í tilkynningu frá Senu Live.



Mest lesið


Fleiri fréttir

Sjá meira


×

Mest lesið