Giroud: „Stoltur að hafa unnið þennan titil með Chelsea“

Olivier Giroud sagði það hafa verið sérstakt að vinna titil með Chelsea með sigri á sínum gömlu félögum í Arsenal í úrslitaleik.

Chelsea vann Evrópudeildina með 4-1 sigri á Arsenal í úrslitaleiknum í Bakú í kvöld.

„Þetta var áhugaverður fyrsti hálfleikur en það komu engin mörk. Úrslitaleikurinn var góður og við vorum betra liðið í seinni hálfleik,“ sagði Giroud.

Frakkinn kom til Chelsea í janúar 2018 frá Arsenal en hann hafði verið á Emirates frá 2012.

„Ég er mjög stoltur því þetta lið átti skilið að vinna eitthvað. Þetta var mjög sérstakt fyrir mig en ég er ánægður fyrir hönd félagsins og minn annar titill á tveimur árum.“

„Þessi tvö lið breyttu lífi mínu. Þau gáfu mér tækifæri til þess að spila í ensku úrvalsdeildinni.“

Framherjinn skoraði fyrsta mark leiksins en fagnaði því ekki.

„Ég vildi ekki fagna gegn Arsenal en ég er mjög stoltur af því að hafa unnið þennan bikar með Chelsea.“