Fótbolti

Hringdi sig inn veikan, fór á fótboltaleik og var rekinn

Anton Ingi Leifsson skrifar
Jordie hvítklæddur.
Jordie hvítklæddur. vísir/getty
Knattspyrnumaðurinn, Jordie van der Laan, er nú án félags eftir að hollenska B-deildarfélagið Telstar ákvað að segja upp samningi hans við félagið.

Jordie van der Laan hringdi sig inn veikan í síðustu viku í fimm daga á æfingar og það vakti furðu félagsins. Þeir vildu að hann færi til læknis en hann neitaði.

Það komst svo upp að Jordie hafði skellt sér til Lundúna til þess að horfa á Ajax í undanúrslitum Meistaradeildarinnar en það komst upp er hann sást í sjónvarpinu. Klaufalegt.







„Ég hringdi mig inn veikan og auðvitað var þetta ekki besta ákvörðunin. Að lokum komst upp um þetta,“ sagði kapinnn við BBC.

Jordie fékk miða hjá vini sínum sem átti miða á leikinn en nú er kappinn án félags og leitar sér að liði.

Ajax tapaði síðari undanúrslitaleiknum á ótrúlegan hátt fyrir Tottenham í gærkvöldi og er þar með úr leik.

Fótbolti Holland

Mest lesið


Fleiri fréttir

Sjá meira


×

Mest lesið