Sektaður um 210 þúsund vegna hrað­aksturs

Lögreglan á Suðurnesjum hefur kært allmarga ökumenn fyrir of hraðan akstur á síðastliðnum dögum.

Þetta kemur fram í tilkynningu frá lögreglunni. Þar segir að sá sem hraðast ók hafi mælst á 145 kílómetra hraða á Reykjanesbraut þar sem hámarkshraði er 90 kílómetrar á klukkustund.

„Þar var á ferðinni erlendur ferðamaður og nemur hraðasektin 210 þúsund krónum.

Þá voru höfð afskipti af ökumanni sem var með ungan son sinn í framsæti bifreiðarinnar án þess að hann væri í sérstökum öryggisbúnaði fyrir börn,“ segir í tilkynningunni.