Þorsteinn í Mosfellsbæinn

Þorsteinn Gauti Hjálmarsson hefur skrifað undir þriggja ára samning við Afturelding og mun leika með liðinu í Olís-deild karla næstu þrjú árin.

Þorsteinn Gauti kemur frá Fram þar sem hann hafði leikið undanfarin ár en í vetur skoraði hann að meðaltali rúmlega fimm mörk í leik með Fram.

Þorsteinn Gauti Hjálmarsson hefur gert samning við Handknatleiksdeild Aftureldingar til næstu þriggja ára. Við bjóðum Þorstein hjartanlega velkominn í Mosfellsbæ! #afturelding#olisdeildinpic.twitter.com/gki3mqSAuT

— Afturelding (@umfafturelding) April 24, 2019

Þorsteinn var einn sprækasti leikmaður Fram í vetur sem náði ekki í úrslitakeppnina en bjargaði sér frá falli í síðustu umferð deildarkeppninnar.

Afturelding datt 2-0 út gegn Val í átta liða úrslitunum Olís-deildarinnar en Einar Andri Einarsson verður áfram við stjórnvölinn.

Skyttan Elvar Ásgeirsson er á förum til Þýskalands og er reiknað með að Þorsteinn eigi að fylla hans skarð.