Mick Schumacher kvartar ekki yfir því að vera borinn saman við föður sinn

Það gæti farið að styttast í það að Mick Schumacher, sonur formúlu goðsagnarinnar Michael Schumacher, kom inn í formúlu eitt.

Mick Schumacher er nú 19 ára gamall og er að keppa í formúlu tvö á þessu tímabili þar sem hann keyrir fyrir Prema liðið. Fyrsta keppnin hans verður 29. til 31. mars í Barein.

Michael Schumacher varð fyrir heilaskaða þegar hann féll á skíðum í desember 2013 og hefur ekki sést opinberlega síðan. Fjölskylda hans vill halda ástandi hans leyndu fyrir heiminum af því að hún telur að hann hafi óskað þess sjálfur.

„Það hefur aldrei verið vandamál fyrir mig að vera líkt við föður minn,“ sagði Mick Schumacher í viðtali við BBC.

Mick Schumacher has opened up about what it's like to be compared to his father - seven-time Formula 1 world champion Michael Schumacher https://t.co/aBN2vWynLnpic.twitter.com/r3X7nAMkjE

— BBC Sport (@BBCSport) March 21, 2019

„Að vera líkt við besta ökumanninn í sögu formúlu eitt er markmið sem þú vilt ná á þínum ferli. Það er líka sérstakt að átrúnaðargoðið mitt sé líka faðir minn,“ sagði Schumacher.

„Það er mikill heiður fyrir mig að vera líkt við hann en ég reyni bara að læra og bæta mig,“ sagði Mick Schumacher.

Mick Schumacher eyddi tíma í akademíu Ferrari síðasta vetur og fékk í kjölfarið að prófa sig á Ferrari bíl.

„Ég læri mjög mikið af Ferrari af því að þeir hafa svo mikla reynslu. Ég vil fá tækifæri til að vinna með þeim til að ná eins langt og ég get,“ sagði Mick.

„Fyrstu kynni mín af Ferrari voru mjög hjartnæm. Þeir buðu mig velkominn í fjölskyldu sem var alltaf hluti af minni fjölskyldu,“ sagði Mick.