Svartir tennisboltar stöðvuðu fótboltaleik í þýsku deildinni

Borussia Dortmund tapaði mikilvægum stigum í toppbaráttunni í gær í markalausu jafntefli á móti botnliði Nürnberg en það var þó eitthvað annað en fótbolti sem stal senunni á þessum leik.

Tvisvar þurfti nefnilega að stöðva leikinn vegna þess að áhorfendur köstuðu svörtum tennisboltum inn á völlinn í mótmælaskini.

Áhorfendur voru þarna að mótmæla leiktímanum en það féll ekki í kramið hjá þýsk knattspyrnuáhugafólki að spila leiki á mánudagskvöldum.

Harm Osmers, dómari leiksins, fór með liðin af velli á meðan tennisboltarnir voru fjarlægðir. Sökudólgarnir voru stuðningsmenn heimaliðsins í Nürnberg.

Þýska deildin mun hætta með þennan leiktíma eftir 2020-21 tímabilið þannig að það gætu verið fleiri svartir tennisboltar á leiðinni inn á völlinn á næstum mánudagskvöldum.

Bundesliga leaders Borussia Dortmund were held to a goalless draw by bottom club Nurnberg on Monday night.

The home fans threw black tennis balls onto the pitch at half-time.

Full report: https://t.co/xSOJaW3fRQpic.twitter.com/dH9QsJbku5

— Sky Sports Football (@SkyFootball) February 19, 2019

Borussia Dortmund hefur verið að gefa eftir en þetta var fimmti leikurinn í röð í öllum keppnum þar sem liðið nær ekki að vinna.

Bayern München, sem mætir Liverpool á Anfield í kvöld, er nú aðeins þremur stigum á eftir Dortmund eftir sigur liðsins á Augsburg um helgina.

Dortmund hefur ekki skorað mark í síðustu tveimur leikjum sínum og er þetta í fyrsta sinn síðan í mars 2015 sem það gerist.