Gunnar sýnir frábæra danstakta á æfingu

Í nýjasta þættinum af „The Grind“ með Gunnari Nelson er fylgst með venjulegum degi hjá bardagakappanum.

Dagurinn byrjar í eldhúsini þar sem byrjað er að næla sér í orku fyrir æfingu. Það leynir sér ekki að stuðið er mikið á æfingunum þar sem Gunnar sýnir meðal annars lipra danstakta.

Ýmsu þarf að sinna í aðdraganda bardaga og þennan tiltekna dag þurfti Gunnar að fara bæði í myndatöku og sjónvarpsviðtal. Það var samt tími fyrir smá tölvuleik á milli æfinga.

Gunnar berst við Alex Oliveira í Toronto næsta laugardagskvöld og bardaginn er í beinni útsendingu á Stöð 2 Sport.

Þáttinn má sjá hér að neðan.