Sögulegt samkomulag vegna Sagrada Familia

Umsjónarmenn Sagrada Familia, hinnar heimsfrægu kirkju Barcelonabúa, sem hönnuð var af Antoni Gaudi og hefur verið í byggingu frá árinu 1882, hafa náð sögulegu samkomulagi við borgaryfirvöld.

Þannig er mál með vexti að hið gríðarstóra mannvirki, sem er vinsælasti viðkomumaður ferðamanna í borginni, hefur aldrei verið með byggingarleyfi. Nú hafa sættir tekist í málinu og mun borgin fá rúmlega fjörutíu milljónir dollara næstu tíu árin frá kirkjunni.

Peningunum verður varið í að bæta almenningssamgöngur til og frá kirkjunni og stuðla að uppbyggingu í hverfinu þar sem kirkjan gnæfir yfir.