Hinn umdeildi umboðsmaður Khabib grillar ofan í sína menn

Í nýjasta upphitunarþættinum fyrir UFC 229 er víða komið við enda bæði Conor og Khabib mættir til Las Vegas.

Á meðan Conor æfir í glæsilegri aðstöðu UFC í borginni þá hefur Khabib komið sér fyrir í notalegum jiu jitsu-sal þar sem hann æfir með sínu fólki.

Conor hefur haft þann sið að leigja sér villu í Vegas og lið Khabib gerir slíkt hið sama. Í þættinum má meðal annars sjá hinn umdeilda umboðsmann Khabib, Ali Abdelaziz, grilla ofan í hópinn.

Conor er mikið að vinna í þrekinu og segist elska að vera á hlaupabrettinu og hugsa um bardagann.