Dembele tryggði Barcelona sigur

Ousmane Dembele tryggði Barcelona sigur í Súperbikarnum á Spáni eftir æsispennandi leik við Sevilla.

 

Það voru liðsmenn Sevilla sem byrjuðu leikinn betur og náðu forystunni strax á 9. mínútu en þá skoraði Pablo Sarabíu.

 

Allt stefndi í að Sevilla færi með forystuna í hálfleikinn en á 42. mínútu jafntaði Gerard Pique metin fyrir Barcelona og því var staðan 1-1 í hálfleiknum.

 

Bæði lið reyndu hvað þau gátu að ná forystunni í seinni hálfleiknum og sóttu bæði lið. Það var hinsvegar Barcelona sem náði forystunni þegar um tíu mínútur voru eftir en það var Frakkinn Dembele sem skoraði markið.

 

Liðsmenn Sevilla fengu þó tækifæri til þess að jafna leikinn í uppbótartíma þegar þeir fengu vítaspyrnu. Ben Yedder steig á punktinn en lét Ter Stegen verja hjá sér og lokatölur því 2-1 fyrir Barcelona.