Fengu himnasendingu frá Dóra

Rapparinn Emmsjé Gauti heldur áfram hringferð sinni um landið þar sem hann spilar 13 tónleika á 13 dögum.

Samhliða því koma út daglegir netþættir frá túrnum en neðst í fréttinni má sjá ellefta þáttinn en þá eru drengirnir mættir á Ísafjörð.

Í þættinum kemur fram að Ísafjarðarleggurinn hafi verið erfiður. Það tók þá níu klukkustundir að keyra frá Akureyri til Ísafjarðar og er komin ákveðin þreyta í hópinn.

Strákarnir fengu að gista hjá Dóra á Húsinu og fengu konunglegar móttökur. Söngkonan Bríet kom fram á undan Emmsjé Gauta á Húsinu á Ísafirði og stóð hún sig vel áður en drengirnir tróðu upp.