Ellefu sóttu um embætti forstjóra Sjúkratrygginga Íslands

Ellefu sóttu um embætti forstjóra Sjúkratrygginga Íslands, SÍ, sem auglýst var laust til umsóknar 18. maí síðastliðinn, að því er fram kemur í tilkynningu frá Velferðarráðuneytinu. Heilbrigðisráðherra mun skipa í stöðuna frá 1. nóvember 2018 til fimm ára að fenginni tillögu stjórnar SÍ.

Umsóknarfrestur rann út 10. júní og eru umsækjendur um embættið eftirtaldir:

• Berglind Ólafsdóttir, áfengis- og fíkniefnaráðgjafi
• Guðrún Ingibjörg Gylfadóttir, formaður
• Hrannar Björn Arnarsson, framkvæmdastjóri
• Huld Magnúsdóttir, framkvæmdastjóri
• Ingunn Björnsdóttir, dósent
• María Heimisdóttir, framkvæmdastjóri
• Ragnar Magnús Gunnarsson, sviðsstjóri
• Sigríður Haraldsdóttir, sviðsstjóri
• Sigurbjörg Sigurgeirsdóttir, dósent
• Þorvaldur Ingi Jónsson, þróunarstjóri
• Þröstur Óskarsson, deildarstjóri

Núverandi forstjóri Sjúkratrygginga Íslands er Steingrímur Ari Arason en hann hefur gegnt embættinu síðan í nóvember 2008. Í lögum um sjúkratryggingar kemur fram að forstjóri SÍ skuli hafa lokið námi á háskólastigi og búa yfir rekstri af reynslu og stjórnun sem nýtist í starfi. Þá ber forstjóri ábyrgð á starfsemi stofnunarinnar og á því að rekstrarútgjöld og rekstrarafkoma sé í samræmi við fjárlög og að fjármunir séu nýttir á árangursríkan hátt.