Föstudagsplaylisti Egils Spegils

Egill Ásgeirsson er með vinsælli plötusnúðum landsins um þessar mundir. Hann er innmúraður meðlimur í rappsenu Íslands sem hefur eins og flestir vita verið gríðarlega vinsæl undanfarin ár. Hann spilar jafnframt reglulega undir á sviði með helstu rappstjörnum landsins, þ.á.m. Aroni Can og Herra Hnetusmjöri.

Hann er einmitt á leið til Noregs um helgina að spila með Aroni Can í Ósló á laugardagskvöldið. Lagalisti Egils er í anda vorsins þrátt fyrir snjókomuna í dag. „Þetta eru svona lög sem minna mig á sumarið, sama hvernig viðrar,“ segir hann aðspurður um lagavalið.