Var sagt hann myndi aldrei spila aftur en berst nú um titil með KR

Marcus Walker er mættur aftur til Íslands og klárar úrslitin í Domino's deild karla með KR. Hann varð Íslands- og bikarmeistari með KR árið 2011 en fyrir fimm árum síðan var ekki útlit fyrir að hann myndi spila körfubolta aftur.

Walker sagði frá því á Twitter að árið 2013 var hann greindur með hjartastækkun (e. Cardiomegaly eða enlarged heart) og sagt að hann gæti ekki spilað körfubolta aftur.

Fimm árum seinna er hann hins vegar mættur á stærsta sviðið á Íslandi, úrslitaeinvígið í Domino's deild karla.

Hjartastækkun lýsir sér sem „ástand þar sem geta hjartans til að dæla blóði er skert,“ samkvæmt Vísindavef Háskóla Íslands og getur leitt til hjartabilunar.

Walker lét ástandið lítið trufla sig þegar hann snéri aftur á parketið í DHL höllinni í síðasta leik undanúrslitanna gegn Haukum. Þar spilaði hann rúmar 10 mínútur og skoraði 6 stig.

Walker ferðast með KR norður á Sauðárkrók á morgun þar sem fjórfaldir Íslandsmeistararnir byrja baráttuna um fimmta titilinn í fyrsta leik úrslitaeinvígisins við Tindastól. Leikurinn hefst klukkan 19:15 og verður í beinni útsendingu á Stöð 2 Sport.

If I told you my story would you would you believe me?

A man can never tell you what God‘s plan is. In 2013 I was diagnosed w/ an enlarged  & I was told that I would never play a pro  game again & now in 2018 I am playing in the Icelandic finals. GOD IS GREAT pic.twitter.com/6HCLPvrcGk

— Marcus Walker (@GrindHouseBB) April 19, 2018

 

I want to thank the great @KRreykjavik organization for being my family and bring me back to Iceland 7yrs later. It means the world to me that y’all brought me back to be a part of the 5th straight championship. Now let’s make history #KR4Lifehttps://t.co/BFRiV8fhJO

— Marcus Walker (@GrindHouseBB) April 19, 2018