Óvissustigi aflétt vegna jarðskjálfta í Grímsey

Óvissustigi almannavarna hefur verið aflétt vegna jarðskjálftahrinu úti fyrir Norðurlandi, einkum við Grímsey. Þetta kemur fram í tilkynningu frá lögreglunni á Norðurlandi eystra.

„Í samráið við ríkislögreglustjóri hefur ákveðið að aflétta óvissustigi almannavarna vegna jarðskjálftahrinu úti fyrir Norðurlandi. Jarðskjálftahrinan hófst um miðjan febrúar en undanfarna sólarhringa hefur töluvert dregið úr jarðskjálftum á svæðinu,“ segir í tilkynningu.

Eftir sem áður mun Veðurstofan halda áfram að vakta jarðskjálftavirkni á og við Ísland og upplýsa almannavarnir eftir því sem tilefni er til.

Tíðir jarðskjálftar í Grímsey hafa ratað í fjölmiðla undanfarnar vikur en þar hafði jörð nötrað nokkuð reglulega síðan í janúar. Þúsundir skjálfta hafa mælst í eynni það sem af er ári.