Liverpool með fleiri mörk í Meistaradeildinni en Everton í ensku úrvalsdeildinni

Liverpool er komið áfram í átta liða úrslit Meistaradeildarinnar og á leið sinni þangað hefur liðið skorað 34 mörk í 10 Evrópuleikjum á leiktíðinni.

Þetta er afar glæsileg tölfræði enda með meira en þrjú mörk að meðaltali í leik. Sex af mörkunum komu reyndar í umspilsleikjunum tveimur á móti þýska liðinu 1899 Hoffenheim en Liverpool hefur bara hækkað meðalskor sitt eftir að liðið komst inn í Meistaradeildina.

Það er líka athyglisvert að bera markaskor Liverpool í Evrópu á leiktíðinni við markaskor nágranna þeirra í Everton í ensku úrvalsdeildinni.

Everton liðið er nefnilega búið að skora færri mörk í 29 leikjum í ensku úrvalsdeildinni en Liverpool hefur gert í Evrópu í vetur.

Everton er með 33 mörk í þessum 29 leikjum eða 1,14 að meðaltali í leik. Liverpool er líka búið að spila 29 deildarleiki á leiktíðinni en mörkin eru orðin 67 talsins sem gera 2,3 mörk í leik.



Mörk Liverpool í Meistaradeildinni

(Umspilið, riðlakeppninni og 16 liða úrslitunum)

34 mörk í 10 leikjum

Mörk Everton í ensku úrvalsdeildinni

33 mörk í 29 leikjum



Markaskorarar Liverpool í Meistaradeildinni 2017-18:

Roberto Firmino 8

Mohamed Salah 7

Sadio Mané 6

Philippe Coutinho 5

Emre Can 3

Trent Alexander-Arnold 2

Alex Oxlade-Chamberlain 1

Daniel Sturridge 1

Sjálfsmark 1

Markaskorarar Everton í ensku úrvalsdeildinni 2017-18:

Wayne Rooney 10

Oumar Niasse 7

Dominic Calvert-Lewin     4

Gylfi Sigurðsson 4

Leighton Baines 2

Theo Walcott 2

Ashley Williams 1

Idrissa Gueye 1

Tom Davies 1

Cenk Tosun 1

Markaskorarar Liverpool í ensku úrvalsdeildinni 2017-18:

Mohamed Salah 24

Roberto Firmino 13

Sadio Mané 8

Philippe Coutinho 7

Emre Can 3

Alex Oxlade-Chamberlain 3

Daniel Sturridge 2

Trent Alexander-Arnold 1

Georginio Wijnaldum 1

Dejan Lovren 1

Jordan Henderson 1

Ragnar Klavan 1

Joël Matip 1

Sjálfsmark 1