Bergkamp rekinn frá Ajax

Dennis Bergkamp, fyrrum stórstjarna Arsenal, er í hópi þeirra sem voru í gær reknir úr þjálfarateymi Ajax í Hollandi en byrjun liðsins á tímabilinu hefur valdið vonbrigðum.

Edwin van der Sar, fyrrum markvörður Manchester United, er framkvæmdastjóri Arsenal og Marc Overmars, sem lék með Bergkamp hjá Arsenal, tæknistjóri og tóku þeir þessa ákvörðun.

Auk Bergkamp var knattspyrnustjórinn Marcel Keizer látinn fara sem og aðstoðarþjálfarinn Hennie Spijkerman. Michael Reiziger, þjálfari varaliðsins, tekur við þjálfun Ajax tímabundið.

Ajax er í öðru sæti í hollensku deildinni en komst ekki í Meistaradeild Evrópu, né heldur Evrópudeild UEFA. Þá er liðið einnig fallið úr leik í hollenska bikarnum.

Bergkamp er 48 ára og hefur þjálfað hjá Ajax síðan 2011. Þar hóf hann atvinnumannaferil sinn sautján ára gamall, undir stjórn Johan Cruyff.