Ný heyrnartól frá Google þýða íslensku á rauntíma

Tæknirisinn Google kynnti til leiks Pixel 2 farsímann en á kynningunni voru kynntir til leiks heyrnartólin Pixel Buds sem eiga að geta þýtt talað mál yfir á önnur tungumál á rauntíma.

Er íslenska á meðal þeirra fjörutíu tungumála sem þessi tækni ræður við.

Greint var fyrst frá þessari tækninýjung á vef Northstack, sem sérhæfir sig í fréttaflutningi af íslenskri frumkvöðlastarfsemi og tækninýjungum.

Á kynningunni mátti sjá tvo einstaklinga ræðast við á ensku og sænsku en samtali við var þýtt á rauntíma með hjálp nýju tækninnar sem styðst við þýðingarforrit Google og er sagt jafnast að einhverju leyti á við það að hafa einkatúlk sér við hlið. 

Hér fyrir neðan má sjá myndband af kynningunni.