Eins árs samningur Ögmundar í Hollandi

Landsliðsmarkvörðurinn Ögmundur Kristinsson er búinn að finna sér nýtt félag en hann hefur samið við Excelsior í Rotterdam í Hollandi. Samningurinn gildir í eitt ár.

Ögmundur er 28 ára og var síðast á mála hjá Hammarby í Svíþjóð. Hann missti sæti sitt í byrjunarliðinu þar í sumar og fer frítt frá félaginu nú.

Hann fékk frí frá landsliðsverkefni Íslands nú til að einbeita sér að því að ganga frá sínum samningsmálum en Ögmundur hefur verið fastamaður í landsliðinu síðustu árin.

Excelsior er í ellefta sæti hollensku deildarinnar með fjögur stig eftir þrjár umferðir.