Mutombo vill kaupa Rockets

NBA-goðsögnin Dikembe Mutombo vill eignast félag í NBA-deildinni og leitar nú að sterkum fjárfestum sem vilja kaupa Houston Rockets með honum.

Mutombo segir að þetta sé frábær tími til þess að kaupa Rockets enda eitt mest spennandi liðið í deildinni.

Það var á mánudaginn sem Leslie Alexander greindi frá því að hann ætlaði sér að selja félagið. Mutombo fór beint í símann og byrjaði að hringa í menn sem eiga peninga.

Mutombo langaði að kaupa sitt gamla félag, Atlanta Hawks, á sínum tíma en vill nú ólmur komast í hóp eigenda.

Kappinn kláraði feril sinn hjá Rockets en hann lék með félaginu frá 2004 til 2009.