Malbikun fram undan á Hringveginum

Á morgun, þriðjudaginn 4. júlí er stefnt að því að malbika Hringveginn á leið til Borgarness, það er frá Melasveitarvegi að Móhólsmelum. Akreininni verður lokað á meðan og umferðarhraði lækkaður fram hjá vinnusvæðinu. Búast má við lítilsháttar umferðartöfum.  

Á miðvikudaginn 5. júlí er svo stefnt á að malbika hina akreinina, frá Móhólsmelum að Melasveitarvegi. Akreininni verður lokað á meðan, umferðarhraði lækkaður fram hjá vinnusvæðinu og má búast við lítilsháttar umferðartöfum. Lokanir verða merktar meðan á framkvæmd stendur.

Áætlað er að framkvæmdirnar standi yfir allan sólarhringinn að því er fram kemur í tilkynningu Vegagerðarinnar.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

Þá verða báðar akreinarnar á Garðskagavegi á Reykjanesi, frá hringtorginu að Heiðarbergi, malbikaðar á morgun, þriðjudag. Veginum verður lokað á meðan, hjáleiðir settar upp og umferðrahraði lækkaður fram hjá vinnusvæðinu. Búast má við lítilsháttar umferðartöfum en áætlað er að framkvæmdirnar standi yfir á milli kl. 08:00 til kl. 17:00.