Kviknaði í rafmagnshjóli í íbúð í Fellsmúla

Slökkvilið höfuðborgarsvæðisins var kallað út núna skömmu eftir klukkan 13 vegna elds í rafmagnshjóli í íbúð í fjölbýli í Fellsmúla 4.

Samkvæmt upplýsingum frá slökkviliðinu dreifði eldurinn aðeins úr sér en fólk var inni í íbúðinni þegar það kviknaði í hjólinu. Það reyndi að slökkva eldinn áður en það kom sér út.

Lögreglan náði að slökkva eldinn svo að mestu og er nú verið að reykræsta íbúðina.

Ekki fengust upplýsingar um hvort flytja þurfti einhvern á sjúkrahús.