Fótbolti

Björn Bergmann lagði upp sigurmark Molde

Ingvi Þór Sæmundsson skrifar
Björn Bergmann skoraði sitt fyrsta landsliðsmark í sigrinum á Kósóvó á föstudaginn í síðustu viku.
Björn Bergmann skoraði sitt fyrsta landsliðsmark í sigrinum á Kósóvó á föstudaginn í síðustu viku. vísir/epa
Björn Bergmann Sigurðarson lagði upp mark þegar Molde vann 0-1 útisigur á nýliðum Kristiansund í upphafsleik norsku úrvalsdeildarinnar.

Staðan var markalaus í hálfleik en á 51. mínútu sendi Björg Bergmann boltann fyrir á Fredrik Brustad sem skallaði í netið.

Þetta reyndist eina mark leiksins og lærisveinar Oles Gunnars Solskjær fóru því með sigur af hólmi.

Björn Bergmann spilaði allan leikinn fyrir Molde. Óttar Magnús Karlsson kom inn á sem varamaður á 59. mínútu í sínum fyrsta keppnisleik fyrir Molde.

Fótbolti á Norðurlöndum

Mest lesið


Fleiri fréttir

Sjá meira


×

Mest lesið