Karen Kjartansdóttir til Aton

Karen Kjartansdóttir hefur verið ráðin til starfa hjá almannatengslafyrirtækinu Aton en hún starfaði sem samskiptastjóri Samtaka fyrirtækja í sjávarútvegi á árunum 2013 til 2017.

Karen starfaði einnig á fjölmiðlum, fyrst sem blaðamaður og pistlahöfundur á DV og Fréttablaðinu og síðar sem fréttamaður og varafréttastjóri á Stöð 2.

Karen er með MBA-gráðu frá Háskólanum í Reykjavík og BA-gráðu í bókmenntafræði frá Háskóla Íslands.

 

Aton er fyrirtæki sem veitir ráðgjöf og aðstoð við upplýsingamiðlun, almannatengsl, markaðssetningu, kynningu og stefnumótun.