Stórkostleg viðbrögð leigubílstjóra sem sótti Wade | Myndband

NBA-stjarnan Dwyane Wade tók upp frábært myndband af leigubílstjóra sem sótti hann í Miami í gær.

Wade var að spila í Miami með félögum sínum í Chicago Bulls og hafði leigt veitingastað fyrir liðið til þess að borða á.

Wade öllum hnútum kunnugur í Miami eftir árin sín þar.

Leigubílstjórinn var ekki lítið hissa er hann sá hver var kominn inn í bílinn. Sem betur fer fyrir okkur hin þá var Wade með símann á lofti og tók nokkur góð snöpp. Stjarnan virtist hafa gaman af þessu öllu.

Sjón er sögu ríkari en myndbandið má sjá hér að neðan.