Allar tilnefningar til Íslensku vefverðlaunanna 2016

Tinni Sveinsson skrifar 20. janúar 2017 18:00

Vefir Sjóvá, Reykjavík Excursion, Varðar tryggingafélags, Ársskýrsla Landsbankans 2015 og nýr vefur Eimskips eru tilnefndir í flokki stærri fyrirtækja.

Samtök vefiðnaðarins birtu rétt í þessu tilnefningar til Íslensku vefverðlaunanna. Verðlaunin verða veitt við hátíðlega athöfn í Hörpu 27. janúar.

„Íslensku vefverðlaunin eru uppskeruhátíð vefiðnaðarins, haldin með það að markmiði að efla hann, verðlauna bestu vefina og hvetja þá sem starfa á þessum vettvangi til dáða,“ segir í fréttatilkynningu en þetta er í 16. skipti sem verðlaunin eru veitt.

Hægt er að kynna sér allar tilnefningar á vefnum vefverdlaun.is.

Íslensku vefverðlaunin eru veitt í 13 flokkum en fjöldinn endurspeglar breidd þeirra verkefna sem vefiðnaðurinn á Íslandi kemur að.

Hér fyrir neðan má sjá lista yfir tilnefnda vefi í 11 flokkum en auk þeirra veitir dómnefnd verðlaun fyrir vefi sem skara fram úr í flokkunum Hönnun og viðmót og Vefur ársins. Í dómnefnd eru sjö aðilar sem starfa innan vefiðnaðarins en hulunni verður svipt af henni á verðlaunahafhendingunni sjálfri.

Verðlaunin verða veitt sem fyrr segir í Hörpu 27. janúar. Húsið opnar klukkan 17.30 og er athöfnin öllum opin.

Sama dag stendur SVEF fyrir ráðstefnunni Iceweb í Hörpunni. Hægt er að kynna sér ráðstefnuna nánar á vefnum 2017.iceweb.is.

Fyrirtækjavefur ársins, lítil og meðalstór fyrirtæki

Fyrirtækjavefur ársins, stærri fyrirtæki, 50+

Ársskýrsla Landsbankans 2015, Landsbankinn, Jónsson & Le‘macks og Advania
Nýr vefur Eimskips, Skapalón, Vettvangur og Funksjón vefráðgjöf
Reykjavik Excursions, Hugsmiðjan
Sjóvá, Kosmos & Kaos og Vettvangur
Vörður tryggingafélag, Sendiráðið

Efnis- og fréttaveita ársins

Hmagasin, Hugsmiðjan
K100 útvarpsstöð, Sendiráðið
Nútíminn, Guðmundur Sigursteinn Jónsson forritari
Tímamót, Hugsmiðjan og Döðlur
Umræðan – Umræðuvefur Landsbankans, Landsbankinn, Jónsson & Le‘Macks og Advania

Opinberi vefur ársins