Glamour

Best klæddu stjörnurnar á AMA verðlaunahátíðinni

Ritstjórn skrifar
Stjörnurnar sem sigruðu rauða dregilinn í gærkvöldi.
Stjörnurnar sem sigruðu rauða dregilinn í gærkvöldi. Myndir/Getty
Verðlaunahátíðin American Music Awards fór fram í gær með pompo og prakt í gærkvöldi. Þar komu saman allar helstu stjörnur tónlistarbransans sem kepptust um aðalverðlaun kvöldsins. Á meðan sumir sigruðu uppi á sviðinu þá voru aðrir sem báru sigur úr bítum á rauða dreglinum. 

Við höfum tekið saman okkar uppáhalds dress frá kvöldinu hér fyrir neðan. Það er áhugavert að sjá að það er ansi lítið um liti á dreglinum í ár. Flestir klæddust annaðhvort svörtu eða hvítu en þær Selena Gomez og Hailee Steinfeld eru þær einu á þessum lista sem klæddust sterkum litum.

Selena Gomez var með endurkomu ársins í fallegum rauðum Prada kjól.Mynd/Getty
Hailee Steinfeld var í fallegum grænum pallíettu kjól frá Elie Saab sem sló í gegn.
Ariana Grande klæddist hvítum buxum við blúndu topp. Ekkert nýtt að frétta en hún nær þó að rokka það.
Taraji P. Henson ákvað að vera afslöppuð í hvítri skyrtu frá Celine og skóm frá Jimmy Choo. Þetta er algjör negla.
Dansarinn og söngkonan Teyana Taylor mætti í þessum kynþokkafulla svarta blúndukjól sem hittir beint í mark.
Chrissy Teigen mætti í kjól með hæstu klaufum í manna minnum. Mikil áhætta sem borgaði sig.
Kynnir kvöldsins, Gigi Hadid, var glæsileg á rauða dreglinum í þessum hvíta blúndu Roberto Cavalli kjól.
One Direction söngvarinn Nail Horan bar af hvað varðar karlmennina á hátíðinni.

Mest lesið




×

Mest lesið