Rihanna og Drake eru hætt saman

Söngvaraparið Rihanna og Drake eru hætt saman samkvæmt nýjustu fregnum vestanhafs. Parið, sem hafði verið saman með þónokkrum löngum pásum á seinustu árum, er meira að segja byrjað að hitta annað fólk.

Það er ekki langt síðan þau litu út fyrir að vera afar ástfangin á VMA hátíðinni í seinasta mánuði. Þá veitti Drake Rihönnu verðlaun og sagði meðal annars í ræðu sinni að hann hafi verið ástfanginn af henni frá því að hann var 22 ára gamall. 

Nú hefur Rihanna eytt honum af Instagram og um helgina sást til hennar og rapparans Travis Scott á sama hóteli. Þau áttu í stuttu sambandi á seinasta ári. Einnig er talið að Drake sé að hitta fyrirsætuna India Love.