Howard bauð stuðningsmanni Lakers í slag

Dwight Howard er ekki í miklum metum hjá stuðningsmönnum Lakers eftir eitt vonbrigðaár í búningi félagsins.

Howard var mættur með liði sínu, Atlanta Hawks, á sinn gamla heimavöll á sunnudag og þar fékk hann að heyra það frá stuðningsmönnum Lakers.

Stuðningsmennirnir kölluðu Howard öllum illum nöfnum og rétt áður en hann komst út úr salnum missti hann þolinmæðina.

Snéri sér að áhorfanda og manaði hann í að koma niður á gólf og endurtaka orðin beint fyrir framan sig. Howard var klár í slagsmál.

Atvikið má sjá hér að ofan.