Baldwin frábær sem Donald Trump í SNL

Bandaríski leikarinn Alec Baldwin hæddist að forsetaframbjóðendanum Donald Trump þegar gamanþátturinn Saturday Night Live sneri aftur í gærkvöldi.

Baldwin tók sig vel út í Trump-gervi og fór leikandi létt með að ná fram mörgu því sem einkenndi kappræður hans og Hillary Clinton í vikunni. Leikkonan Kate McKinnon fór með hlutverk Clinton.

Þetta var í fyrsta sinn sem Baldwin lék Trump í þáttunum. Hann er þó enginn nýgræðingur þegar kemur að SNL því hann hefur verið kynnir þáttarins í sextán skipti, flest allra.

Sjá má brot úr þætti gærkvöldsins að neðan.