Jón Margeir sjötti í 200 metra fjórsundi

Jón Margeir Sverrisson varð sjötti í 200 metra fjórsundi á Ólympíumóti fatlaðra í kvöld í flokki S14.

Jón Margeir synti á 2:18,61 sem er tæpri sekúndu hraðar en í undanrásasundinu í morgun en nokkru frá Íslandsmeti hans.

Jón Margeir fór mjög vel af stað og var annar eftir flugsundið en það dró verulega af honum í baksundinu og var hann síðastur í úrslitasundinu að því loknu. Jón Margeir fór upp um eitt sæti í bringusundinu og annað sæti í skriðsundinu.

Íslendingar hafa þar með lokið leik á Ólympíumótinu í Ríó.