Draymond Green í bann fyrir að slá LeBron í nárann

Golden State Warriors verður án framherja síns, Draymond Green, í fimmta leik úrslitaeinvígsins gegn Cleveland Cavaliers um NBA-meistaratitilinn í körfubolta á morgun.

Draymond lenti í útistöðum við LeBron James þegar þrjár mínútur voru eftir af fjórða leik liðanna þar sem Golden State komst í 3-1 með ellefu stiga sigri, 108-97.

Framherjinn sló til nára LeBron þegar Draymond lá í jörðinni, en LeBron snéri sér þá snögglega við og leikmennirnir ræddu málin.

NBA sagði hreyfingu Green vera hefndarhögg, en hann var einnig sendur í bann fyrr á tímabilinu og sektaður um 3 milljónir króna eftir að hafa sparkað í Steve Adams, leikmann Oklahoma. Nú er hann kominn með of mörg refsistig og fer því aftur í bann.

Tyronn Lue, þjálfari Cleveland, var einnig sektaður um 25 þúsund pund fyrir gagnrýni sína á dómara leiksins eftir tap Cleveland á föstudagskvöldið.

Golden State getur orðið meistari eð sigri í leik liðanan annað kvöld, en leikurinn er í beinni útsendingu á Stöð 2 Sport/HD.