Marilyn Monroe hefði fagnað 90 ára afmæli sínu í dag

Marilyn Monroe fæddist árið 1926 í Los Angeles í Bandaríkjunum. Hún varð ein þekktasta leikkona Hollywood og eitt þekktasta andlit heims enn þann dag í dag, þrátt fyrir að það séu 54 ár frá því að hún lést, þá aðeins 36 ára gömul.

Fjölmiðlar elskuðu að fjalla um hana en hún var álitin vera mikið kyntákn og var með sterkar skoðanir á efnum líðandi stundar. Hún var vinstri sinnuð þegar það kom að pólitík og taldi sig hafa jöfn réttindi og tækifæri og karlar. 

Monroe gifti sig þrisvar sinnum en eignaðist aldrei börn. Hún lést árið 1962 af ofstórum skammti lyfseðilskyldra lyfja en talið er að hún hafi gert það viljandi. Á þessum tíma var hún þunglynd og hafði áður reynt að fyrirfara sér. 

Þrátt fyrir að hafa dáið langt fyrir aldur fram þá er hún enn í dag ein þekktasta stjarna sem heimurinn hefur átt.