Logi lét brjóstvöðvana dansa í beinni

Logi Geirsson og Kristján Arason voru sérfræðingar RÚV á leik Vals og Aftureldingar í undanúrslitum Olís-deildar karla sem fram fór í Valsheimilinu í gærkvöldi.

Leikurinn var æsispennandi og þurfti að framlengja hann, en svo fór að lokum að Afturelding tryggði sér sigurinn í þessum oddaleik og er liðið komið í úrslitaeinvígið og mætir það Haukum.

Logi Geirsson var í mörg ár atvinnumaður í handbolta sem og landsliðsmaður. Hann veit því mikið um íþróttina og mjög klár í því að greina leikinn. Hann tekur aftur á móti oft upp á allskonar skemmtilegum hlutum í beinni og í gærkvöldi tók hann það sem kallast „Pec-Dance“ og það í beinni útsendingu á RÚV.

Hér að neðan má sjá myndband af því þegar Logi lætur brjóstvöðvana dansa en hann birtir myndbandið á Instagram-síðu sinni.

@logigeirsson tók Pec Dance í gær #olisdeildin pic.twitter.com/VrpBjW5ivu

— Lífið á Vísi (@VisirLifid) May 4, 2016