Hönnunarmars: 66°Norður og Or Type kynna nýja húfu

Í tilefni Hönnunarmars hefur 66°Norður og íslenska leturhönnunarfyrirtækið OR Type tekið höndum saman og búið til nýja útgáfu af húfulollunum vinsælu.

Á húfunni er letur sem OR Type sérhannaði fyrir húfuna af þessu tilefni. 

„Við byggðum allar húfurnar á 90 ára afmæli 66°Norður. Gamlar samskiptaleiðir sjómanna koma fyrir í einni og önnur er síðan eitthvað sem við myndum kalla „the original”, húfa sem aldrei var til en hefði með öllu réttu átt að vera upprunalega húfukollan. Þriðja húfan er síðan orðaleikur þar sem við leikum okkur með þessi þrjú atriði í samstarfinu, 66, Or og 90,“ segir Guðmundur Úlfarsson annar hönnuðanna í Or Type.

Húfurnar verða sýndar í dag, föstudaginn 11.mars milli klukkan 17-19 á Skólavörðustíg 12, en þær verða einnig til sölu í takmörkuðu upplagi.