Fyrrum leikmaður Real Madrid til Breiðabliks

Blikar hafa fengið góðan liðsstyrk fyrir átök næsta sumars í Pepsi-deild karla en Spánverjinn Sergio Carrallo Pendas hefur skrifað undir tveggja ára samning við félagið.

Sergio er 21 árs miðju- og kantmaður og var til reynslu hjá Breiðabliki fyrr í haust. Koma hans hefur verið staðfest á Blikar.is. Hann er væntanlegur til landsins snemma á nýju ári.

Fyrr í haust samdi Breiðablik við Guðmund Atla Steinþórsson auk þess sem að félagið náði að nýju samningum við Jonathan Glenn. Kristinn Jónsson er farinn í atvinnumennsku og óvíst er hvort að Oliver Sigurjónsson verði áfram í Kópavoginum en hann er í skoðun hjá liðum á meginlandi Evrópu.

Sergio lék með áður með unglingaliði Real Madrid á Spáni.