Lawler og Condit klárir í átökin um helgina

Veltivigtarmeistarinn Robbie Lawler mun verja titil sinn gegn Carlos Condit á laugardag og byrjað er að hita upp fyrir helgina með Embedded-þáttunum sem UFC gerir.

Þar má sjá þá félaga með strákunum sínum að leika sér um jólin.

Lawler varði titil sinn eftirminnilega í Las Vegas síðasta sumar í blóðugum bardaga gegn Kanadamanninum Rory McDonald.

Það er ekki búist við síður áhugaverðum bardaga um helgina er hann mætir Condit sem margir spá sigri í bardaganum. Það er þó ekkert smá verk að hafa betur gegn Lawler eins og McDonald komst að síðasta sumar.

Bardagakvöldið verður í beinni útsendingu á Stöð 2 Sport aðfararnótt sunnudags. Sjá má fyrsta upphitunarþáttinn hér að ofan.