Heimsmeistarar dagsins á HM í frjálsum í Peking | Myndir

Þriðja keppnisdegi á heimsmeistaramótinu í frjálsum íþróttum í Peking í Kína er lokið og það voru krýndir fimm heimsmeistarar á mótinu í dag.

Fjórar þjóðir eignuðust gullverðlaunahafa á þriðja degi HM og alls fékk íþróttafólk frá tólf þjóðum verðlaun í þessum fimm greinum.

Keníumenn fengu bæði flest gull (2) og flest verðlaun (4) en þeir unnu meðal annars þrefaldan sigur í 3000 metra hindrunarhlaup karla.

Eftir fyrstu þrjá dagana hafa Kenía, Jamaíka og Bretland unnið flest gullverðlaun á mótinu (2) og Kenía hefur unnið flest verðlaun (6).

Hér fyrir neðan má sjá bæði úrslitin í dag sem og myndir af heimsmeisturunum.

Heimsmeistarar mánudaginn 24. ágúst 2015

Stangarstökk karla

Gull: Shawnacy Barber, Kanada 5,90 metrar

Silfur: Raphael Holzdeppe, Þýskalandi 5,90 metrar

Brons: Pawel Wojciechowski, Póllandi 5,80 metrar

Brons: Renaud Lavillenie, Frakklandi 5,80 metrar

Brons: Piotr Lisek, Póllandi 5,80 metrar

Þrístökk kvenna

Gull: Caterine Ibargüen, Kólumbíu 14,90 metrar

Silfur: Hanna Knyazyeva-Minenko, Ísrael 14,78 metrar

Brons: Olga Rypakova, Kasakstan 14,77 metrar

10.000 metra hlaup kvenna

Gull: Vivian Cheruiyot, Keníu 31:41.31 mínútur

Silfur: Gelete Burka, Eþíópíu 31:41.77 mínútur

Brons: Emily Infeld, Bandaríkin 31:43.49 mínútur

3000 metra hindrunarhlaup karla

Gull: Ezekiel Kemboi, Keníu 8:11.28 mínútur

Silfur: Conseslus Kipruto, Keníu 8:12.38 mínútur

Brons: Brimin Kiprop Kipruto, Keníu 8:12.54 mínútur

100 metra hlaup kvenna

Gull: Shelly-Ann Fraser-Pryce, Jamaíku 10,76 sekúndur

Silfur: Dafne Schippers, Hollandi 10,81 sekúndur

Brons: Tori Bowie, Bandaríkin 10,86 sekúndur