Anton setti Íslandsmet og náði Ólympíulágmarki

Anton Sveinn McKee bætti í morgun Íslandsmet Jakob Jóhanns Sveinssonar í 100 metra bringusundi á heimsmeistaramótinu í sundi í Kazan í Rússlandi í morgun.

Anton synti á 1:00,53 mínútu og rétt missti af því að komast í úrslit. Anton varð í 19. sæti af 100 keppendum en 16 keppendur komust úrslit.

Hann bætti met sex ára gamalt met Jakobs Jóhanns um 63 hundraðshluta úr sekúndu. Um leið náði hann A-lágmarki fyrir Ólympíuleikana í Ríó á næsta ári.

Auk hans hafa Eygló Ósk Gústafsdóttir og Hrafnhildur Lúthersdóttir náð lágmarki fyrir leikina að Brasilíu.

Hrafnhildur varð í 20. sæti af 39 keppendum í 200 metra fjórsundi en hún synti á 2:14,12 mínútum.  

 

Jóhanna Gerða Gústafsdóttir varð í 43. sæti í 100 metra flugsundi af 70 keppendum. Hún synti á 1:02,43 mínútum.

Á morgun keppa Eygló Ósk Gústafsdóttir í 100 metra baksundi og Hrafnhildur Lúthersdóttir í 100 metra bringusundi.