Rúrik og félagar svöruðu fyrir skellinn í 1. umferð

Rúrik Gíslason var í byrjunarliði Nürnberg sem vann 3-2 sigur á Heidenheim í 2. umferð þýsku B-deildarinnar í kvöld.

Rúrik og félagar þurftu nauðsynlega á sigri að halda eftir að hafa legið, 6-3, fyrir Freiburg í 1. umferðinni.

Rúrik var á hægri kantinum í kvöld en hann var tekinn af velli á 77. mínútu. Þá var staðan jöfn, 2-2, en Tékkinn Jan Polák skoraði sigurmark Nürnberg þremur mínútum fyrir leikslok.

Næsti leikur Nürnberg er gegn C-deildarliði Aalen í þýsku bikarkeppninni, 10. ágúst næstkomandi.