John Oliver tekur FIFA aftur í gegn

„Í alvöru. Hann var yfir þegar FIFA gekk í gegnum mesta skandal í sögu sambandsins. Þetta er eins og ef yfirmaður hjá Sony myndi gefa grænt á ljós á framhaldsmynd af Aloha.“

Þetta sagði sjónvarpsmaðurinn John Oliver um Sepp Blatter, forseta FIFA, í þætti sínum Last Week Tonight þar sem hann gerir grín að fréttum og málefnum, en þátturinn er sýndur á Stöð 2.

Oliver er betri en margir í að útskýra hlutina á einfaldan og skemmtilegan hátt, en ekki er langt síðan hann reyndi að koma öllum í skilning um hversu spillt Alþjóðaknattspyrnusambandið er.

Oliver fór aftur yfir málin í nýjasta þætti sínum þar sem aðildarríkjum FIFA tókst að kjósa Blatter í fimmta sinn þrátt fyrir allt sem gengið hefur á.

Þetta bráðskemmtilega myndband má sjá hér að ofan.