Kynsvall fyrir útvalda

Vefmiðiðill VICE gerði nýverið úttekt á nokkrum kynlífsteitum.

Kynlífsteiti eru samkomur þar sem fólk hittist og stundar kynlíf, stundum bara með hvort öðru, stundum með öðru fólki eða jafnvel bara horfir á aðra stunda kynlíf.

Það kemst ekki hver sem er inn í slík teiti því þú þarft að sækja um og vera samþykktur af þeim sem teitið halda auk þess að greiða þarf aðgangseyri sem getur hlaupið á tugum þúsunda króna.

Oftar en ekki er notkun síma bönnuð og gerð er krafa um nafnleysi og jafnvel notkun gríma til að hindra enn frekar að fólk þekkist.

Reglulega eru haldin slík teiti víða um heim og ekki þarf að leita lengra en til Amsterdam, Berlín eða London til að komast í slíkt.

Eitt slíkt teiti, og vefsamfélag, er Killing Kittens sem byggir nafn sitt á þeirri mýtu að í hvert sinn sem sjálfsfróun sé stunduð þá drepi æðri máttarvöld kettling.

Í þessum teitum eru reglurnar strangar og mega karlar ekki koma einir og mega þeir ekki tala við konur að fyrra bragði. Hér mega konur vera hvað sem er og karlar verða að haga sér vel.

Killing Kittens hafa svo parað sig saman við Torture Garden, þekktur BDSM klúbbur í Bretlandi, og halda nú teiti sem kallast Torture Kittens og þar má blanda saman vanillu kynlífi (hefðbundið samfara miðað kynlíf) við kryddaðar bindingar og flengingar.

Það virðist vera mikill markaður fyrir slík teiti þar sem færri komast að en vilja.

Þessu ber þó ekki að rugla saman við swing klúbba en þeir eru gjarnan með auglýstan opnunartíma og getur í raun hver sem er farið þangað svo lengi sem viðkomandi getur borgað aðgangseyri (sem gjarnan er undir 10.000 kr) og er hluti af pari eða er kona einsömul sem er eldri en 18 ára.

Teitin sem eru auglýst mið gjarnan að því að fólk hafi ágætt af fé á milli fingranna og á það að vera eitt af því sem heillar og trekkir að í þessi teiti enda gjarnan leikið með tengsl valda, peninga og kynlíf í þekktum kynlífsbókum.

Ætli það sé ekki tímaspursmál hvenær slíkt teiti verður haldið hér á landi ef það hefur ekki nú þegar farið fram án þess að komast sérstaklega í fréttirnar.