Höfundar íslenska Eurovision lagsins stunda Crossfit af kappi

Bræðurnir Ásgeir Orri og Pálmi Ragnar, sem eru hluti af StopWaitGo genginu og meðhöfundar framlag Íslands í Eurovision, stunda Crossfit af kappi. Þeir segja íþróttina eina allra skemmtilegustu enda búnir að ná frábærum árangri.

Margir vilja líkja Crossfit við trúarbrögð enda eru þeir sem að stunda íþróttina ötulir talsmenn hennar. En hvað er það sem er svona spennandi við þessa íþrótt og hvers vegna ættir þú að prófa? Ég kíkti niður í Crossfit Kötlu og tók púlsinn á áhangendum íþróttarinnar og svei mér þá að ég hafi ekki bara smitast af orkunni og gleðinni sem einkennir salinn.