Gerpla, Grótta og Selfoss bikarmeistarar

Gerpla er bikarmeistari í kvennaflokki eftir afar harða baráttu við Stjörnuna, en mótið fór fram í íþróttahúsinu Iðu á Selfossi um helgina.

Gerpla endaði með því að hreppa 55.250 stig, en Stjarnan fylgdi fast á eftir og fékk 54.500 stig og lentu því í öðru sæti. Selfoss lenti í því þriðja með 46.950 stig.

Selfoss varð bikarmeistari í mix-flokki þar sem bæði stelpur og strákar keppa saman. Selfyssingar fengu 52.150 stig, en Stjarnan var í öðru sæti með 47.500 stig. Ármann var ekki langt á undan og fékk 47.150 stig.

Gerpla var eina liðið sem var mætt til leiks í karlaflokki og voru því sjálfkjörnir meistarar. Þeir sýndu glæsilegar æfingar og fengu fyrir vikið 47.325 stig.