Dóttir framkvæmdastjóra Lakers látin

Starfsmenn LA Lakers eru í sárum eftir að 15 ára dóttir framkvæmdastjóra félagsins lést.

Alina Kupchak hafði lengi barist við veikindi og lést vegna veikindanna í gær.

Lakers sendi frá sér yfirlýsingu í gær fyrir hönd föðurins og framkvæmdastjóra Lakers, Mitch Kupchak, þar sem fráfall Alinu var staðfest og fjölskyldan bað í leiðinni um að fá að syrgja í friði.

Lakers-goðsagnirnar Magic Johnson og Kobe Bryant sendu báðir samúðarkveðjur til fjölskyldunnar í gegnum Twitter í gær.

@kobebryant: My prayers are with the Kupchak family. There are no words to describe such a loss R.I.P Alina #LakerFamily

— Kobe Bryant (@kobebryant) January 6, 2015

My condolences go out to a super friend and teammate, Mitch Kupchak and his wife Claire on the passing of their 15 year old daughter Alina.

— Earvin Magic Johnson (@MagicJohnson) January 6, 2015