Jón Arnór meiddur og spilar ekki næstu vikurnar

Jón Arnór Stefánsson meiddist í sigri Unicaja Malaga á Limoges í Euroleague í gær og íslenski landsliðsmaðurinn segir í samtali við karfan.is að hann verði frá í þrjár til fjórar vikur.

"Ég var búin að finna til smá á æfingu fyrir tveimur vikum í náranum en ekkert neitt til að ræða um. En augljóslega nóg til að það kom rifa í gær í leiknum. Virkilega svekkjandi ég er að hafa alveg gríðarlega gaman af þessu hérna og líður vel." sagði Jón Arnór í samtali við karfan.is.

Jón Arnór skoraði fjögur stig á sex mínútum og hitti úr báðum skotum sínum áður en hann fór meiddur af velli í gær.

Jón Arnór verður því ekki með liði Unicaja Malaga á morgun sem tekur þá á móti Gipuzkoa Basket í spænsku deildinni.

Unicaja Malaga hefur byrjað tímabilið mjög en Jón Arnór og félagar hans hafa unnið sjö fyrstu leiki tímabilsins.