Sjáðu magnaðan bardaga Aldo og Mendes

Bardagi fjaðurvigtarmeistarans Jose Aldo gegn Chad Mendes í UFC-bardagadeildinni fer í sögubækurnar sem einn besti bardagi sögunnar en þú getur nú séð hann allan hér á Vísi.

Dana White, forseti UFC, sagði eftir bardagann að hann hefði verið sá besti frá upphafi í þessum þyngdarflokki.

Conor McGregor, ein helsta stjarna UFC-heimsins og góðvinur Gunnars Nelson, keppir í sama þyngdarflokki og var viðstaddur bardagannn sem Aldo vann.

White var spurður strax að bardaganum loknum hvort að McGregor væri næstur til að fá tækifæri gegn hinum magnaða Aldo.

„Jose Aldo er bara nýbúinn með þennan bardaga,“ sagði White. „McGregor berst líklega í Boston í janúar. Ef að allt gengur svo að óskum geta þeir svo líklega barist næsta sumar.“